Roosterkoek

Roosterkoek is tradisioneel gemaak op die dag wat daar brood gebak is op die plaas. Stukkies deeg is afgeknyp en oor die ontbytvuur gebraai.

3 ml suiker
100 ml louwarm water
10 ml droë gis
400 g meel
3 ml sout
2 eiers
60 g botter
sonneblomolie

Meng die suiker, water en gis saam, sprinkel 5 ml meel bo-op en laat in 'n warm plek staan vir 10 minute.
Sif die meel en voeg die sout by.
Vryf die botter by die meel.
Klits die eirs met 'n vurk en gooi dit by die gis-mengsel.
Maak 'n holte in die meel-mengsel en gooi die gis-mengsel hierin. Vorm die deeg met jou hande. Knie dit goed.
Verf die deeg met sonneblomolie, bedek met plastiek en laat op 'n warm plek staan vir 40 minute, tot dit verdubbel het.
Knie die deeg weer.
Knyp dele af so groot soos 'n eier en vorm plat broodrolletjies daarmee.
Laat die deegrolletjies op 'n warm plek staan vir 15 minute.
Maak die roosterkoeke gaar op die rooster oor jou kole.